Shkon në 186 numri i personave të prekur me fruth. Sipas ISHP-së Tirana ka 134 persona të infektuar, Lezha ka 14 raste, Vlora ka 8 raste, Dibra ka 6 raste dhe Durrësi me Kukësin 4 raste.
Në 65 % e të rasteve të prekurit janë fëmijë nën 2 vjeç që nuk kanë mbushur moshën e vaksinimit ose nuk janë vaksinuar pas frikës së përhapur kryesisht në rrjetet sociale se vaksina ka lidhje autizmin. Por mësohet se të prekur ka edhe fëmijë deri në moshën 6-vjeçare që nuk kanë bërë asnjë nga dy dozat e vaksinës.
Për shkak të temperatura të ulëta ekspertë të institutit të shëndetit publik rekomandojnë që të prekurit me fruth të vetëizolohen në shtëpitë e tyre nëse i kanë kushtet për të qëndruar në një dhomë të veçantë.
ISHP përsërit apelin për vaksinimin e fëmijëve brenda datave të kalendarit vaksinal si dhe rivaksinimin e të lindurve në vitet 80-90. Në harkun kohor të dy muajve sëmundja e fruthit i ka marrë jetën dy foshnjave 4 dhe 7 muajshe.
