Duke anashkaluar vështirësitë që ka gjimnazi, një nxënës i shkollës së mesme ka marrë vëmendjen e mediave të huaja për aftësitë e pabesueshme të tij në makeup ku tregohet edhe në foton e tij të vitit të fundit në shkollë.
Kevin Kodra është një 18-vjeçar shqiptar që banon në Toronto të Kanadasë, i cili ka vendosur të ndajë foton e tij të diplomimit në rrjetet sociale dhe që atëherë është bërë virale, duke marrë mbi 20,000 pëlqime në Instagram.
I riu, i cili ka ëndërr që të bëhet grimier, i tha Cosmpolitan.com se u zgjua në orën 4 të mëngjesit për t’u siguruar se ishte i përsosur.
Por, sipas Kodrës, fotot e tij të fundvitit në shkollën e mesme nuk ishin gjithmonë të përsosura. Kështu që Kodra vendosi që në vitin e fundit të dilte dhe do të bënte atë që ai do më shumë, të grimohej.
“Qëllimi im ishte të frymëzoja djemtë e rinj. Një djalë që lyhet është një djalë normal. Doja që përvoja ime pozitive të thyente paragjykimet ndaj djemve që lyhen dhe djemve me seksualitete dhe identitete të ndryshme. Doja të bëja një grim të rëndë për të dërguar tek njerëzit mesazhin se mund të bëjnë ç’të duan”, përfundon ai në një intervistë për Cosmopolitan.
https://www.instagram.com/p/BiNq8KRgR49/?taken-by=kevikodra
