Ministria e Mbrojtjes e Rusisë ka publikuar shifrat e mercenarëve të huaj që kanë luftuar në Ukrainë. Shifrat e ministrisë ruse janë publikuar edhe në faqen e “Facebook” të ambasadës ruse në Tiranë. Sipas të dhënave, 150 mercenarë shqiptarë i janë bashkuar luftës në Ukrainë, nga të cilët 42 janë vrarë dhe 40 janë rikthyer në Shqipëri. 
Nga tabela e ambasadës ruse, duket që në Ukrainë kanë shkuar dhe 156 shtetas kosovarë, nga të cilët janë vrarë 61 dhe kthyer në vend 60. Ajo që duket nga tabela është se aktualisht janë 68 persona mercenarë shqiptarë në Ukrainë. Ndërsa mercenarë kosovarë ndodhen rreth 35 persona.
