Të tjera detaje janë zbuluar nga abuzimi i 13 vjeçares nga 46-vjeçari Blerim Bizgjoni në fshatin Vërdovë të Pogradecit.
Në dëshminë e saj, e mitura është shprehur ishte shoqe me vajzën e përdhunuesit dhe shkonte shpesh tek shtëpia e saj. Në mënyrë të përsëritur ai e ka ngacmuar edhe më herët, ndërsa ka kryer marrëdhënie seksuale me dhunë në fillim të muajit qershor.
“Ai më mbante në shtëpi dhe bënte sikur kujdesej për mua, por më ngacmonte dhe më pas më përdhunoi. Për herë të parë më ka përdhunuar në qershor të këtij viti“, ka dëshmuar 13-vjeçarja në polici.
Pas denoncimit të 13-vjeçares, ekspertiza mjekësore ka konfirmuar abuzimin ndaj vajzës.
Familjarët e autorit kanë kërkuar nga familjarët e vajzës së abuzuar që të tërheqë padinë ndaj tij. Pritet që Bizgjoni të dalë para gjykatës në ditët në vijim për të marrë masën e sigurisë.
“Sot e shtrydha të keqen time. Më përdhunonte çdo ditë në shtëpinë e tij. Fillimisht më mori duke i thënë babait se do të kujdesej ai për mua pasi familja ime më mbante dot për shkak të kushteve. Dy javët e para sillej mirë, pastaj filloi të më ngacmonte me fjalë, kurse një natë më mbajti deri në orën 04:00 të mëngjesit në ballkon duke më kërcënuar se do të më hidhte nga ballkoni nëse nuk kryeja marrëdhënie seksuale. A mund të ketë abuzuar edhe me vajza të tjera”, tregon vajza, duke theksuar se të nesërmen kishte abuzuar sërish seksualisht me të.
