Një ngjarje e tmerrshme ka ndodhur në Tiranë, ku dy fëmijë të mitur, të moshës 11 dhe 13 vjeç, janë mbytur në liqenin e Prushit.
Babai ka shkuar në vendngjarje menjëherë pasi polumbarët kanë arritur të nxjerrin nga uji trupat e pajetë të dy të miturve, ku ka humbur ndjenjat si pasojë e gjendjes së rëndë emocionale.
Raportohet se vëllai më i madh, M.T ka tentuar të shpëtojë vëllain e vogël K.T i cili nuk kishte arritur të dilte nga liqeni. Në vendin ku janë mbytur të miturit është një litar i lidhur në pishë, të cilin e përdornin për t’u hedhur në liqenin ku humbën jetën.
Familja e të miturve raportohet të jetë në vështirësi ekonomike ndërsa kanë dhe një vajzë. Ndërsa raportohet se nëna e tyre është diagnostikuar me probleme të shëndetit mendor.
