Rreth 700 pjesëtarë të Policisë së Kosovës janë infektuar me koronavirus, ndërsa 11 prej tyre kanë humbur jetën.
Nënkryetari i Sindikatës së Policisë, Shaban Tasholli deklaroi se Policia e Kosovës do të jetë në shërbim të qytetarëve pavarësisht situatës së vështirë shkaktuar nga COVID-19.
“Deri më tani kemi rreth 700 policë të infektuar, ndërsa të vdekur nga koronavirusi kemi 11. Orari jonë është 8 orësh dhe nuk është lehtë të ballafaqohemi me popullatën në këtë pandemi sepse pandeminë e kemi kudo, mirëpo policët nuk hezitojnë dhe mundohet të ruhen veten duke mbajtur maska. Gjithashtu mundohen t’i shërbejnë dhe të korrigjojnë vetveten dhe popullatën. Pavarësisht kësaj ne duhet të realizojmë punën tonë”, tha Tasholli , shkruajnë mediat në Kosovë.
