105-vjetori i Pavarësisë së Shqipërisë është festuar edhe në Pragë. Personalitete të njohur, diplomatë, akademikë, njerëz të artit e biznesit në Çeki morën pjesë në pritjen që dha Ambasadori i Shqipërisë në Pragë, Riza Poda.
Mes të ftuarve në këtë ceremoni për Festën e Flamurit ishte edhe Presidenti i Senatit të Parlamentit Çek, Milan Stech.
Të ftuarit u pritën në sallën kryesore të “ Zofin Palace”, ndërsa Himni i Flamurit u interpretua nga këngëtari Kastriot Tusha.
Në Festën e Flamurit në Pragë nuk kanë munguar edhe “Sazet e Përmetit”. Shqipëria dhe Çekia i vendosën marrëdhëniet diplomatike 95 vite më parë.
ttp://top-channel.tv/2017/11/26/105-vjetori-i-pavaresise-se-shqiperise-festohet-edhe-ne-prage/
