Një shtetas shqiptar është dënuar me burgim të përjetshëm në lidhje me një ngjarje të pesë viteve më parë, ku një shtetas mbeti i plagosur ndërsa dy të tjerë humbën jetën.
Gjykata e Lartë Federale dënoi me burgim të përjetshëm një 46-vjeçar shqiptar, i cili së bashku me një bashkëkombës, hynë në një lokal në Bazel dhe qëlluan në drejtim të tre shqiptarëve të tjerë.
Të tre objektivat u qëlluan, por një prej tyre i mbijetoi sulmit. Një prej tyre edhe pse i plagosur iu afrua autorit dhe për pasojë u qëllua prej tij në ballë, gjë që i shkaktoi vdekjen e menjëhershme.
Viktima e dytë humbi jetën në spital, pasi nuk mundi t’i mbijetonte plagëve. Nuk janë të qarta arsyet se përse autorët shkuan në kafene atë mbrëmje dhe se përse ishin të përgatitur për të sulmuar.
Organet e drejtësisë gjermane mendojnë se shkak për ngjarjen janë bërë prishjet në pazaret e drogës.
