Kreu Blog Faqja 4

Rezoluta e Kuvendit: Autoriteti i Konkurrencës të mbajë nën kontroll tregun e telefonisë celulare

0

Autoritetit të Konkurrencës që të mbajë nën monitorim tregun e telefonisë celulare pas ndryshimeve që ka pësuar ky i fundit nga përqendrimi i autorizuar. Në një prej pikave të rezolutës së Kuvendit drejtuar këtij autoriteti për vitin 2022 thuhet shprehimisht “Të mbajë në monitorim përqendrimin e autorizuar në tregun e telefonisë celulare me qëllim vlerësimin e efekteve që do të sjellë në treg ndryshimi i kontrollit të shoqërive respektive”.

Autoritetit i janë lënë edhe një sërë detyrash të lidhua me prokurimet publike duke nxitur bizneset që të bëhen pjesë e debatit për të nxitur konkurrencën si dhe është kërkuar të mbyllen hetime që janë nisur më herët apo që mund të kryhen në tregje specifike.

“Të angazhojë kapacitetet administrative të institucionit për intensifikimin e monitorimeve dhe përfundimin në një kohë të arsyeshme të procedurave hetimore jo vetëm në tregjet sensitive dhe me impakt të drejtpërdrejtë për mirëqenien e konsumatorit, por edhe në tregjet e tjera referuar rekomandimeve të BE-së dhe OECD-së, si në tregun e tregtimit të vajit vegjetal, tregun e tregtimit të karburanteve, tregun e shërbimeve të telefonisë celulare, barnat dhe pajisjet mjekësore” thuhet në dokument.

Po kështu është kërkuar që autoriteti të përfshihet më shumë në nxitjen e reformave që promovojnë konkurrencën në procedurat e prokurimit publik, si dhe të organizojë tryeza për bashkësinë e biznesit në mënyrë që të sigurohet konkurrenca në procedurat e prokurimit publik.

“Të fokusohet në promovimin e mëtejshëm të kulturës së konkurrencës dhe komunikimin e vazhdueshëm me biznesin si dhe të intensifikojë marrëdhëniet me botën akademike për çështjet e rregullimit të tregut, me qëllim sigurimin e njohurive të nevojshme për shumë profesionistë në fushën e ligjit të konkurrencës.

Të bëj vlerësimin ligjor dhe të japë asistencën e nevojshme për ndihmën shtetërore, për plotësimin e kuadrit ligjor dhe nënligjor, si dhe të bëjë vlerësime ex-post për rastet e dhënies të ndihmës shtetërore kur ka shqetësime për konkurrencën”, thuhet në projektrezolutë.

 

Nënshkruhet marrëveshja, Turqia do të furnizojë me armë FSK-në

0

Kosova dhe Turqia kanë nënshkruar një marrëveshje ndërshtetërore në fushën e mbrojtjes, përkatësisht për furnizim me artikuj dhe produkte për shërbime të mbrojtjes. Sipas Ministrisë së Mbrojtjes, ministri kosovar, Armend Mehaj, e nënshkroi këtë marrëveshje me udhëheqësin e Presidencës së Industrisë së Mbrojtjes së Turqisë, Ismail Demir.

“Kjo marrëveshje ka rol të jashtëzakonshëm në ngritjen e kapaciteteve të Forcës së Sigurisë së Kosovës”, thuhet në njoftimin e Ministrisë së Mbrojtjes së Kosovës.

Minsitri Mehaj ka falënderuar shtetin e Turqisë për mbështetjen në fushën e mbrojtjes dhe ka thënë se një mbështetje e tillë është e rëndësishme për synimin e Kosovës për anëtarësim në NATO.

Turqia, vend anëtar i NATO-s, viteve të fundit e ka ndihmuar FSK-në, kryesisht përmes donacioneve.Vitin e kaluar, Radio Evropa e Lirë raportoi se FSK-ja merr rreth 100 milionë lira turke në vit si donacion, të cilat më pas i shtetëzon për blerjen e pajisjeve ushtarake nga Turqia.

Më 2021, Kosova po ashtu ka pasur një kontratë me shtetin turk për blerjen e 14 automjeteve ushtarake të blinduara, Vuran, dhe pajisje armatimi. Turqia më herët i kishte dhuruar FSK-së automjete të blinduara të tipit Cobra./REL/

 

Italia nuk heq dorë nga gazi rus, hap llogarinë në rubla

0

Pavarësisht tensioneve me Rusinë pas konfliktit të kësaj të fundit me Ukrainën, Italia nuk ka hequr dorë nga gazi rus. Eni agjensia kombëtare italiane e hidrokarburve si duket ka gjetur zgjidhjen për të patur akses në tregtinë e gazit rus. Sipas Repubblica.it Agjensia Kombëtare Italiane ka hapur një llogari bankare në rubla dhe një në euro për pagesën e gazit rus.

Kjo procedurë ka ardhur pas modifikimeve të njëanshme të kontratave në fuqi nga ana e kompanisë ruse Gazprom Export.

Dy llogaritë bankare janë hapur pranë Gazprom Bank, e  kompania italiane me një notë zyrtare sqaron se “hapja e tyre është e përkohëshme e në dakortësi me institucionet italiane, si dhe në respekt të kuadrit të sanksioneve ndërkombëtare.”

Agjensia kombëtare italiane ka vendosur të nisë një Arbitrazh ndërkombëtare në bazë të ligjit suedez e siç është e vendosur në kontratat në fuqi, për të kontrastuar modifikimet e detyruara nga pala ruse.

Eni shpjegon gjithashtu se pagesa e gazit rus do të vazhdojë të jetë në euro, por brenda 48 orëve nga derdhja e pagesës, përmes një agjenti operativ pranë Bursës së Moskës, shuma do të kthehet në rubla, por pa përfshirjen e Bankës Qëndrore, ruse e cila është dhe objekt i sanksioneve që Bashkimi Europian ka ndërmarrë ndaj Rusisë e luftës së saj në Ukrainë.

 

Keni flokë të yndyrshëm? Ja mënyra mahnitëse që do i jap fund këtij problemi

0

Kur bëhet fjalë për flokët shumë njerëz kanë të njëjtin shqetësim, pra bëhen shumë shpejt me yndyrë.  Shumë produkte mund të ndihmojnë me këtë problem por kanë përbërës që mund të dëmtojnë flokët. Megjithatë, ka shumë mënyra natyrale që ndihmojnë.

Hapi i parë është që të zgjidhni një shampo pa sulfate, me përbërës natyral që do ndihmojë gjithashtu në balancimin e niveleve të pH të kokës dhe flokëve. Përveç kësaj, shtoni disa përbërës në shampo për të parandaluar zbokthin dhe flokët me yndyrë.

Fillimisht është përdorimi i vajit të rozmarinës i cili është shumë efektiv për largimin e yndyrës së tepërt nga skalpi dhe flokët, dhe gjithashtu mund të sigurojë lehtësim për njerëzit që kanë zbokth dhe kruajtje të kokës.

Vaji i livandës gjithashtu ndihmon në balancimin e vajrave natyralë të lëkurës së kokës dhe ndihmon flokët të qëndrojnë të pastër më gjatë. Vaji i livandës gjithashtu ndihmon me rritjen e flokëve, eliminon zbokthin dhe iu jep më shumë shkëlqim.

Vaji i pemës së çajit heq butësisht vajin e tepërt, balancon prodhimin e sebumit dhe ndihmon në reduktimin e zbokthit.

Edhe vaji i mentes normalizon prodhimin e sebumit, balancon nivelet e pH dhe stimulon rrjedhjen e gjakut në lëkurën e kokës, gjë që ndihmon në rritjen e flokëve.

Së fundmi është përdorimi i vajit të limonit i cili mbështet funksionin e gjëndrave dhjamore dhe ndihmon në zbutjen e inflamacionit të kokës.

Alarmi për bombë në universitet ngre në këmbë policinë

0

Një alarm për bombë ka ngritur në këmbë policinë e Kosovës pas një kërcënimi drejtuar Rektoratit të Universitetit të Prishtinës “Hasan Prishtina”. Kështu tha për Radion Evropa e Lirë, rektori i UP-së, Naser Sahiti.

“Kemi pranuar një e-mail anonim që është vendosur një bombë dhe e kemi dërguar informacionin në polici dhe tani policia e kanë rrethuar vendin dhe janë duke e trajtuar rastin”, tha Sahiti.

Pranë ndërtesës së Rektoratit janë parë pjesëtarë të Policisë së Kosovës të cilët e kanë rrethuar ndërtesën me shirita policor.

Radio Evropa e Lirë ende nuk ka mundur të marrë informacione zyrtare nga policia lidhur me këtë rast.

“Deklarata e Apelit ishte e bërë nga Rama”, Bradhi-Berishës: Kur Zhukri vendos pro teje?

0

Deputeti i Partië Demokratike, Gazment Bardhi, ka reaguar në lidhje me postimin e Berishës ku akuzonte Gjykatën e Apelit se deklaratat i merr nga Rama. Bardhi shprehet se Gjykata nuk mund të jetë e pavarur, kur Zhukri i Berishës vendos pro tij dhe është politike, kur gjykata nuk i nënshtrohet akuzave të tij. Sipas tij, vendimi i gjykatës për çështjen e PD, cilido qoftë ai, duhet t’i hapë rrugën bashkimit të vërtetë të demokratëve.

“Gjykata nuk mund të jetë e pavarur, kur Zhukri i Berishës vendos pro tij dhe është politike, kur gjykata nuk i nënshtrohet akuzave të tij. Vendimi i gjykatës për çështjen e PD, cilido qoftë ai, duhet t’i hapë rrugën bashkimit të vërtetë të demokratëve. Sali Berisha duhet t’i japë fund hipokrizisë me demokratët dhe përçarjes së tyre. Standardi i dyfishtë me gjykatat dëmton besimin e demokratëve në ringritjen e PD” – u shpreh Bardhi.

Viktima të krimit, gjenden kufomat e policëve në Ekuador

0

Hetimet e fundit po nxjerrin në pah sekretet e errëta të botës së krimit në Ekuador. Së fundmi raportohet se grupet e krimit në Meksikë dhe Kolumbi po fitojnë territor mbi grupet kriminale Meksikane në Amerikën Latine, ndërsa të zhdukurit në radhët e oficerëve të policisë i faturohen bandave të drogës.

Në një javë të vetme, janë vrarë tre oficerë dhe janë plagosur dy të tjera. Ngjarja ka ndodhur në provincën Guayas e për këtë, autoritetet akuzojnë edhe bandën shqiptare, që së fundmi po operon në zonë. Një oficer i pa jetë është gjetur më 5 maj dhe kishte dukshëm shenja torture në trup, ndërsa më 30 prill, një tjetër polic është qëlluar për vdekje në autostradë. Ai u vra nga dy vrasës që po e ndiqnin me motor. Sipas raporteve, 5 oficerë janë vrarë në 2020, 13 në 2021 dhe 7 policë deri në fillim të majit 2022.

Një gazetar mjaft i njohur në Ekuador, i quajtur Arturo Torres, ka thënë për një gazetë vendase se vrasjet mund të kenë lidhje me përfshirjen e policëve në trafikun e drogës.

“Disa oficerë rekrutohen në këtë grupe dhe teksa tentojnë të largohen, kthehen në armiq të anëtarëve të bandave. Në vend operojnë grupe vendase, meksikane dhe shqiptare që kanë nxitur dhunë të madhe”, tha gazetari.

Dy punëtorë humbën jetë nga aksidenti në Vlorë, asnjë i arrestuar (EMRA)

0

Vetëm një ditë më parë, një aksident tragjik në punë u mori jetën dy të rinjve të cilët punon për llogari të firmës BIBA-X, në Bypassin e Vlorës.

Armand Beu, 32 vjeç, banues në Kavajë dhe pasagjeri Klajdi Kaja, 28-vjeç, gjetën vdekjen në vend, ndërsa trupi i 28-vjeçarit, mbeti i bllokuar poshtë inerteve, për rreth 2 orë.

Për këtë ngjarje nuk ka asnjë të arrestuar.

Drejtuesi i kamionit duke zbritur me ngarkesë zhavorri nga zona e Kaninës ka humbur kontrollin duke u përplasur me shkëmbin.

Nuk dihet nëse ka pësuar defekt apo nuk kanë funksionuar frenat, por drejtuesi i automjetit i cili nga frika se mos dilte nga rruga dhe binte poshtë ( humnere) është kthyer në mes të rrugës dhe është përplasur me anën e shkëmbit, por përplasja ka qenë shumë e fortë sa të dy trupat kanë dalë nga xhami i kamionit, por ngarkesa me zhavorr e kamionit i ka mbuluar të dy trupat.

Dy punëtorët, njëri në drejtim të mjetit e tjetri në vend të parë janë mbuluar nga inertet, ndërsa trupi njërit prej viktimave u nxor dy orë më vonë.

 

Covid-19 në vend, 67 raste të reja dhe asnjë humbje jete në 24 orët e fundit

0
SPITALI COVID 1 - Infermiere prane Sherbimit Infektiv ne Qendren Spitalore Universitare Nene Tereza, QSUT, i cili eshte kthyer ne karantine, dhe ka marre emrin Spitali COVID 1. Ditet e fundit ka rene ndjeshem numri i infeksioneve ditore me COVID dhe vdekjeve nga koronavirusi ne vend. /r/n/r/nCOVID 1 HOSPITAL - Nurses near Mother Teresa University Hospital Center, QSUT, which is turned into quarantine and received the name COVID 1. In recent days the number of coronavirus infected patients has decreased significantly.

Ministria e Shëndetësisë bënë me dije se nga 618 testime të kryera kanë rezultuar pozitiv me Covid-19, 67 qytetarë. Rastet e reja janë shënuar në këto bashki: 33 në Tiranë, 5 në Fier, 4 në Pogradec, nga 3 qytetarë në Patos, Vlorë, Korçë, nga 2 qytetarë në Cërrik, Tepelenë, Sarandë, nga 1 qytetar në Shkodër, Lezhë, Kurbin, Vorë, Rrogozhinë, Divjakë, Përmet, Kolonjë, Skrapar, Elbasan.

Ndërkohë, janë 229 pacientë aktivë me Covid-19 në të gjithë vendin. Aktualisht në spitalin COVID3 po marrin trajtim 8 pacientë. Në 24 orët e fundit nuk ka asnjë humbje jete me Sars-Cov2. Janë shëruar 27 qytetarë gjatë 24 orëve të fundit, duke e çuar numrin e të shëruarve në 271,962 që nga fillimi i epidemisë.

Kujtojmë se, rastet e Covid-19 janë rritur në krahasim me një ditë më parë, për shkak të rritjes edhe të testimeve nga Ministria e Shëndetësisë. Ditën e djeshme numri i testimeve ka qenë më i ulët. Ditën e djeshme nuk është regjistruar humbje jete.

Presidenti i Malit të Zi: Nuk pajtohem me Abazoviçin për…

0

Ai foli edhe për qëndrimin e kryeministrit Dritan Abazoviç, i cili ka qëndrim më të butë për “Ballkanin e Hapur”.

“Ne kemi qëndrime të ndryshme për këtë iniciativë. Unë kam dëgjuar shumë herë prej tij se si pjesë e mbështetjes së tij për të gjitha nismat rajonale, e mbështet edhe këtë. Gjithashtu, disa herë e kam deklaruar publikisht se nuk mendoj se kjo është një nismë optimale. Më tepër e shoh atë si një lloj kopje të Procesit të Berlinit”, tha Gjukanoviç, raporton  “CDM.me”.

Pos Malit të Zi, nga gjashtë shtetet e Ballkanit Perëndimor, “Ballkanin e Hapur” nuk e kanë përkrahur as Kosova e as Bosnjë-Hercegovina.

“Nuk mendoj se kemi nevojë për alternativë, kemi nevojë për anëtarësim. Prandaj mendoj se është krejtësisht e natyrshme që ne të vazhdojmë procesin e negociatave me BE-në me shpejtësi të plotë. Unë besoj se kjo Qeveri do ta bëjë këtë. Besoj se së shpejti do të zhbllokojmë procesin e negociatave në fushën e sundimit të ligjit dhe kështu do të fillojmë mbylljen e kapitujve të negociatave dhe besoj se me pjesëmarrjen e plotë në Procesin e Berlinit do t’i japim vetes një moment të mirë dhe se Mali i Zi do të vlerësojë avantazhin që e ndërtuam në periudhën paraprake dhe u bëmë anëtari i parë i ardhshëm i BE-së”, theksoi Gjukanoviç.

Presidenti i Malit të Zi, të mërkurën do të qëndrojë për vizitë zyrtare në Kosovë me ftesë të presidentes, Vjosa Osmani.

Shkarkoni aplikacionin në celularin tuaj.