Kreu Blog Faqja 16

Rreth 180 qytetarë përfunduan në urgjencën e Kukësit, dalin rezultatet e ISHP

0

Instituti i Shëndetit Publik ka nxjerrë përgjigjen e analizave që iu bënë ujit në Kukës pas helmimit të 180 qytetarëve, që dyshohej se kishin konsumuar ujë të ndotur.

Nga analizat rezulton se uji nuk ka përmbajtje bakteriologjike. Të dhënat e analizave të Institutit të Shëndetit Publik, tregojnë se uji është i pastër dhe qytetarët nuk janë helmuar nga uji i pijshëm.

Ngjarja ndodhi në fshatin Shtiqen, ku qytetarët pasi shfaqën shenja të helmimit u paraqitën në urgjencën e spitalit për të marrë shërbim mjekësor, ndërsa pas përgjigjes së analizave të ISHP, nuk dihet se çfarë i ka shkaktuar simptoma.

Këto 3 shenja të horoskopit kanë më shumë gjasa të fiksohen pas…

0

Gjatë vitit shkollor, është tipike të futeni në klasë pa gjumë, me flokët një rrëmujë dhe veshjen e pamenduar mirë. Por, nëse profesori kthehet në pëlqimin tuaj të radhës? Papritur, Makroekonomia në orën 8 të mëngjësit nuk ju sjell më përgjumje. Dhe, ndonëse e gjithë situata nuk është aspak etike, gjasat janë që këto 3 shenja horoskopi të fiksohen keq me të paktën një prej profesorëve të tyre.

#1 – Ujori (20 janar – 18 shkurt)

Si një shenjë ajri, së bashku me Binjakët dhe Peshoren, Ujori është një nga mendimtarët dhe komunikuesit e zodiakut. Ju adhuroni të kaloni kohë me njerëz të zgjuar, të pjekur dhe thellësisht inteligjentë – kjo mund ta bëjë profesorin tuaj super tërheqës. Ajo që është më e rëndësishme është që po ndani hapësirën me dikë që ju mëson diçka magjepsëse dhe po kalon kufijtë tuaj. Vetëm mbani mend, ka një arsye përse këto romanca janë të neveritshme, kështu që është më mirë që kjo dashuri të qëndrojë fort në teori.

#2 – Peshqit (19 shkurt – 20 mars)

Peshqit janë shumë të apasionuar pas inteligjencës emocionale dhe vetëdijes. Meqenëse kjo shenjë e ujit i jep një premium kaq të lartë krijimtarisë, ka kuptim që ju të fiksoheni kur mësuesi juaj të shfaqë aftësitë e tij intelektuale në klasë.

Si një shenjë uji e futur në fantazi, këto takime të shkurtra me dikë inteligjent, ju japin material të mjaftueshëm emocional për të imagjinuar me tepricë.

#3 – Luani (23 korrik – 22 gusht)

Të guximshëm dhe duke menduar gjithnjë përpara, Luanët janë gjithmonë të gatshëm për një sfidë të mirë intelektuale, e cila e bën profesorin tuaj një pretendent të natyrshëm për ju. Ata nuk do të kenë frikë t’ju shtyjnë prapa dhe t’ju frymëzojnë të imagjinoni subjektet dhe teoritë tuaja të preferuara ndryshe – të cilat ju i doni. Të sunduar nga zemra, Luanët respektojnë dikë që nuk do të tërhiqet dhe do t’ju mësojë diçka të re. Si student, ju natyrshëm tërhiqni vëmendjen kudo që të shkoni, kështu që ka të ngjarë që të jeni në krye të klasës duke bërë pyetje dhe duke shkuar ballë për ballë me profesorin tuaj.

 

Vetëm 20 ditë më parë kishte marrë patentën, çfarë e shkaktoi aksidentin tragjik në Berat

0

Një ditë pas aksidentit tragjik, ku nënë e bir humbën jetën pas rënies në lumin Osum, drejtoria e shërbimeve pranë bashkisë Berat ka filluar punën për riparimin e kangjellave në anë të trotuarit të rrugës urbane “Antipatrea”.

Një nga specialistët, punonjës i mirëmbajtjes në bashkinë Berat shprehet për Fax News se kangjellat në anë të trotuarit kanë funksion mbrojtës për këmbësorët, jo për automjetet. Sipas tyre barrierat metalike bëhen në rrugë nacionale, autostrada, jo në mes të qytetit.

Në periudha të ndryshme këto barriera kanë qenë prej hekuri dhe kollona betoni, më pas u bënë me pllaka betoni, ndërsa ka disa vite që janë me kangjella, duke iu përshtatur edhe zonës midis dy lagjeve muzeale Goricë dhe Mangalem .

Sipas burimeve të specialistëve rrugorë mësohet se aksidenti është shkaktuar si pasojë e humbjes së  kontrollit nga ana e drejtueses së mjetit dhe paaftësia e saj për të manovruar me mjetin.

E reja Klaudja Xhaferaj kishte vetëm 20 ditë që kishte marrë patentën për të drejtuar mjetin. Ndërsa sipas ekspertizës mjeko ligjore vdekja është shkaktuar nga mbytja si pasojë e qëndrimit të gjatë në ujë.

Ish kreu i bashkisë Dibër shkon në SPAK

0

Ish-kryebashkiaku i Dibrës, Muharrem Rama është thirrur sot në SPAK, ku është marrë në pyetje për arsye ende të paqarta. Ai është parë nga mediat jashtë dyerve të SPAK ku pritej të futej për të dhënë deklaratën e tij.

Muharrem Rama mori detyrën e kryebashkiakut të Dibrës më shtator të vitit 2016-të, ku zëvendësoi Shukri Xhelilin, të shkarkuar pas publikimit të videoskandali ku i kërkonte favore seksuale një vartëseje të tij në bashki në këmbim të një vendi pune më të mirë.

Supergrabitja e Rinasit, flet avokati i vëllezërve Çala: Janë në grevë urie

0

Avokati i vëllezërve Çala të arrestuar për supergrabitjen e Rinasit, Elton Hyseni, ka folur për kushtet e dy klientëve të tij. Sipas avokatit, vëllezërit Klement dhe Eldi Çala kanë qenë në grevë urie dhe se nuk janë njoftuar për mbrojtjen.

“Dy të pandehurit kanë qenë në grevë urie dhe nuk janë njoftuar për mbrojtjen. S’lejohet të futet asnjë material në 41 biss. Nuk kam pasur mundësi të konsultohem me të. “-tha avokati.

Pasi 1 viti në kërkim janë arrestuar vëllezërit Klement dhe Eldi Çala të cilët kërkoheshin nga Policia për grabitjen spektakolare në prill të vitit të kaluar në Rinas të 4.6 milionë eurove.

Më 9 prill të 2019 një grup personash arritën që të marrin sasinë e parave të transportuara me blinda nga bankat e nivelit të dytë në Shqipëri jashtë shtetit nëpërmjet Rinasit. Pas një përplasje me Policinë mbeti i vdekur Admir Murataj, person afër Klement Çalës pasi së bashku grabitën blindat po 2 vite më parë afër Rinasit.

 

Boçi: Laku po shtrëngohet edhe për Ramën

0

Deputeti Luçiano Boçi, ka reaguar ashpër ndaj qeverisë, teksa shkruan se arrestimi i djeshëm i drejtuesve të policisë dhe efektivëve të saj janë vetëm maja e ajsbergut.

Sipas tij kjo tregon edhe implikimin e turpshëm të trupës së policisë në masakrën zgjedhore të 25 prillit.

“Arrestimi i djeshëm e drejtuesve të policisë dhe efektivëve të saj është maja e ajsbergut të implikimit të turpshëm të kësaj trupe në masakrën zgjedhore të 25 prillit.

Midis tyre spikat Zv/drejtori NUSHI, i përfshirë në manipulim provash dhe në ngjarje të tjera.

Zelli i tij ekstrem në goditjen e protestuesve demokratë ka qenë i njohur për publikun.

Por tashmë ai e ca të tjerë e kanë përmbushur rolin e tyre, e “mjeshtri” lart, po i shet një e nga një, për të shpëtuar lëkurën e vet.

Prandaj arrestimi i tyre nuk përbën më lajm.

Është shitja e radhës, pasi i ka shtrydhur mirë e mirë.

A nuk bëri kështu me Kokën?!Po me Bllakon, pasi e shfrytëzoi si blerës votash?!Etj…etj…Por megjithatë laku po shtrëngohet pak nga pak dhe për Ramën.Revolta popullore është në prag!” ka shkruajtur deputeti.

Vrau dy motrat natën e Vitit të Ri, prokuroria kërkon burg përjetë për Përparim Ademin

0

Prokuroria e Tiranës ka kërkuar burg përjetë për Përparim Ademin, 50-vjeçarin i cili vrau pa mëshirë dy motrat Kristina Bardhi dhe Zhaneta Metani më 31 dhjetor 2020 në zonën e Astirit.

Kujtojmë se ngjarja e rëndë tronditi Shqipërinë më 31 dhjetor 2020. Përparim Ademi vrau me armë zjarri dy motrat, Kristina Bardhi dhe Zhaneta Metani në banesën e tyre në Astir, në sytë e Anxhelos, djalit 14-vjeçar të Zhanetës.

Ngjarja u shoqërua me lajme të shumta pasi familjarët e viktimave treguan se Zhaneta dhe Krishtina kishin fëmijë me Përparimin dhe i kanë shitur në Selanik. Vëllai dhe motra tjetër e dy viktimave treguan për dhunën që Ademi kishte ushtruar mbi ta për vite me radhë.

Djali i Zhaneta Metanit, i cili ishte dëshmitar në vendngjarje mëngjesin e 31 dhjetorit, ka rrëfyer se mamaja fillimisht i kishte thënë që Përparimi Ademi ishte babai i tij por më vonë e kishte kuptuar që kjo nuk ishte e vërtetë. Babanë nuk e kishte njohur kurrë.

Vjollca Telo, gruaja e Përparimit tregon se e ka marrë vesh lidhjen nuk ka ndërhyrë për të prishur lidhjen e tyre pasi e donte burri të ishte i kënaqur dhe të mos linte familjen. Vjollca ka rrëfyer gjithashtu se me familjen e Zhanetës shkonin në plazh. Ajo madje tregon se vetë Përparimi i kishte treguar për shqetësimin e tij se Zhaneta e tradhtonte me një tjetër. Gjithashtu ajo i ka hedhur poshtë akuzat dhe sqaron se familja e viktimave do të marrë vilën e tyre, dhe për këtë shkak ngrenë akuza të pabazuara.

 

Kërcënuan vlonjaten në rrjetet sociale, çifti përfundon në polici

0

Një çift është proceduar penalisht pasi dyshohet se në rrjetet sociale ka kërcënuar shtetasen J.S. Sipas bluve të Vlorës, bëhet fjalë për shtetasit E.S, 31 vjeç dhe E.M, 31 vjeçe. Policia sqaron më tej se këta dy shtetas kanë tentuar t’i zhvasin para të resë.

“Po nga specialistët për Hetimin e Krimeve në Komisariatin e Policisë Vlorë u referuan materialet në Prokurori dhe nisi procedimi penal në gjendje të lirë për shtetasit E. S., 31 vjeç dhe E. M., 31 vjeçe, të dy banues në Orikum, pasi dyshohen se nëpërmjet rrjeteve sociale, kanë kanosur dhe shtrënguar me qëllim përfitimi, shtetasen J. S.”-njofton policia.

 

Skandali me rrugën Kardhiq-Delvinë/ PD denoncon: Qeveria 4-fishoi kostot, s’keni parë gjë akoma!

0

Partia Demokratike ka publikuar sot disa nga shifrat që janë dhënë për ndërtimin e rrugës Kardhiq-Delvinë duke përdorur me ironi shprehjen e kryeministrit Edi Rama “s’keni parë gjë akoma”.

Në një dalje për mediat, anëtari i Kryesisë së PD-së Enno Bozdo nxori edhe emrat e kompanive që sipas selisë blu janë oligarkët e preferuar të kryeministrit Rama, ku sipas PD janë kompanitë ‘Gjoka’ dhe ‘AlbStar’.

DEKLARATA E PD:
Jam këtu sot, në emër të Partisë Demokratike, për t’i transmetuar publikut disa data dhe shifra.
Viti 2012
Në 7 muaj ndërtohet loti i parë i rrugës Kardhiq-Delvinë: 5.6 milion euro për 7 kilometra.
Punë e “qeverisë Berisha” të Partisë Demokratike.
Shtator 2018
Loti 4 i tenderohet firmës “Gjoka Konstruksion”: 20 milionë euro për 6.1 kilometra.
Loti 5 i tenderohet firmës “Alb Star”: 14 milionë euro për 3.3 kilometra.
Prill 2021
Autoriteti Rrugor Shqiptar për të njëjtin segment i akordon Gjoka Konstruksion një fond shtesë: 3.8 milion euro

ARRSH e zgjidh qesen me fond shtesë edhe për Alb Star-in: 2.6 milion euro.
Tetor 2018
ARRSH ia tenderon lotin 6, firmave Agbes dhe Arbëria: 20 milionë euro për 4.5 kilometra.
Prill 2021
Autoriteti akordon, edhe për lotin 6, një fond shtesë: 3.9 milion euro.
Korrik 2020
Lotin 7 qeveria ia jep Gjoka Konstruksion: 15 milionë euro.
Shkurt 2022
Firma Jubica merr tenderin për sinjalistikën rrugore: 1.8 milionë euro.
Maj 2022
Firma Gener merr tenderin e sistemimit të skarpateve të rrugës: 11 milionë euro.

Partia Demokratike kërkon, së pari, të theksojë standardin e saj në kohën kur qeveriste vendin: 1 km rrugë ndërtohej me 950 mijë euro. Qeveria Rama i ka ‘rilindur’ rrugët duke i katërfishuar në kosto.

Së dyti, tenderimet e trefishta për të njëjtin segment rruge, duke akorduar fonde shtesë, krejtësisht abuzive dhë të pambështetura.
Së treti, shfaqjen e të njëjtëve emra përfituesish, ku ‘nxijnë’ Gjoka dhe AlbStar, oligarkët e preferuar të Rama 1, 2 dhe 3 në Bashki dhe Rama 1, 2 dhe 3 në Qeveri. Në serialin “Nuk keni parë gjë akoma”, ky nuk është episodi i fundit. Por, një gjë duket qartë: Shqipëria në rrezik.

 

Rama nuk heq dorë nga satelitët: Brenda vitit do të kemi inspektorë në qiell

0

Kryeministri Edi Rama i rikthehet idesë së hedhjes së satelitëve të Shqipërisë në hapësirë. Nga konferenca “Bujqësia me Teknologji dhe Inovacion” , Rama u shpreh se brenda vitit vendi ynë do të ketë satelitët e tij që do kenë kontribut në sektorin e bujqësisë.

“Na duhet të shtyjmë më shumë tek teknologjia dhe inovacioni. Nëse mbi 15 mijë fermerë duan naftë, po sa traktorë ka ky vend se nuk del llogaria. Ka një shkallë fiktiviteti. Si do të adresohet? Do të adresohet përmes teknologjisë dhe  formalizimit.

Nga një anë me regjistrin e tokës dhe vënien në përdorim dronët dhe satelitët, por që do të vijnë brenda këtij viti shpresoj dhe me faturat.

Naftën do ta marrësh por do të sjellësh faturat tani. Do vijë edhe raporti që ti ke marrë naftën dhe ke shitur. Për atë sasi do të vazhdosh të kompensohesh. Do të kërkojë kohën e vet. 5 mijë të tjerë janë në proces. Ne nuk kemi dashur ta bëjmë të vështirë dhe të lodhshme prandaj ne jemi duke punuar që inspektimin ky vend ta çojë në qiell. Ta bëjë me satelitë, drona dhe jo me inspektorë”, tha Rama.

 

Shkarkoni aplikacionin në celularin tuaj.