Kryetari i Partisë së Lirisë, Ilir Meta, ka rrëfyer disa histori të kohërave të shkuara me familjen dhe miq të afërt të tij. Gjatë një interviste për News 24, Meta tha se familja e tij ka qenë një familje model dhe shpesh mblidheshin e argëtoheshin sëbashku.
Ai tregoi edhe një moment që kishin qenë me disa miq nga Korça në Apolloni, ku tha se ata njiheshin menjëherë pasi skuqeshin shpejt nga dielli.
“Në kemi një vit e gjysmë që bëjmë këtë program dhe asnjëherë nuk kishte ndodhur që të kishim një organizim kaq të madh. Kjo është një foto me babain tim, mamanë time dhe motrën time. Pa asnjëdiskutim që kemi qenë një familje shumë e rregullt edhe model. Kujdesi ishte i jashtëzakonshëm, pasi babai ishte një tifoz i çmendur i Dinamos dhe kur fotonte Dinamo atmosfera ndizej, ndërsa kur humbiste babai trishtohej shumë. Për Pogradecin kam një dashuri të jashtëzakonshme, pasi atëherë të hyje në Tushemisht duhej të merrje dokument. Por ne shkonim pasi babai ishte ushtarak dhe ishim të privilegjuar. Koha ka qenë e kufizuar, por gjithmonë shkonim në plazh, shkonim në kavaleshencë ku ndodheshin gjithë sportistët e Partizanit. Kishte ndeshje pasdite dhe argëtim të të gjitha aspekteve. Njëherë përfunduam te Apollonia dhe megjithë tezet u bëm 3-4 familje, kaluam shumë mirë. Se mu kujtua nga korçarët se ata janë të famshëm për det edhe për kitare. Gjithmonë dalloheshin korçarët sepse ose skuqeshin më shumë nga dielli, ose mblidheshin në darkë me kitare dhe këndonin”, u shpreh Meta.
