Format trupore të këngëtares shqiptare Linda Halimi kanë tërhequr gjithmonë vëmendje. Për të fituar këto linja, ajo është ushqyer shëndetshëm dhe ushtruar rregullisht në palestër. Madje para pak kohësh artistja bëri edhe një ndërhyrje në të pasme, duke transferuar aty të gjitha qelizat e dhjamit në mënyrë që të mos shëndoshet në zona të tjera të trupit.
Kujtojmë se vite më parë Linda nuk gëzonte këtë trup perfekt që ka sot. Ajo tregoi dhe vetë se kishte shumë kilogramë më tepër.
Së fundmi ajo ishte e ftuar në programin “Aldo Morning Show” ku foli për “shndërrimin” drastik të trupit të saj dhe cilat ishin arsyet që e çuan deri këtu ku është sot.
E pyetur sesi arriti përmasat e duhura, Lindita u shpreh se karakteri i fortë që kemi si popull e ka shtyrë atë që të mos dorëzohet dhe t’ia dalë.
“E kam kokën e katunarit, kur them e bëj, e bëj,”-u shpreh Halimi.
Gjithashtu Linda u pyet nëse i është dashur të heq dorë nga ushqime të caktuara për të arritur fikizun që ka sot, këngëtarja tregoi se vetëm karbohidratet ka larguar nga vaktet e saj.
“Po unë tani do ha gjithmonë. Unë ha vetëm se kontrolloj porcionet, kaloritë dhe nuk ha në kohë të caktuar, është si agjërim, në orën 6 karbohidratet i ndaloj,”- shtoi ajo.
