Presidenti i Rusisë Vladimir Putin ka festuar dje 70-vjetorin e lindjes. Mirëpo në këtë ditë nuk kanë munguar as dhuratat për iniciatorin e luftës në Ukrainë.
Njëra prej tyre ishte shumë e çuditshme. Bëhet fjalë për një traktor, që mori nga aleati i tij bjellorus, Alexandër Lukashenko.
Ky i fundit e konfirmoi lajmin teksa vizitoi qytetin e lindjes së Putinit, Shën Peterburg ku u takuan për bisedime.
Putin po priste për bisedimet aty liderë të tjerë të shteteve ish-sovjektike.
Lukashenko, i vetëquajtur “diktatori i fundit” i Evropës, i cili ka qenë në pushtet edhe më gjatë se lideri rus (që nga viti 1994) dhe administrata e të cilit është gjithashtu nën sanksionet perëndimore, erdhi në Shën Petersburg me një certifikatë dhuratë për automjetin e prodhuar në Bjellorusi.
“Minsk Tractor Works” është pjesë e industrisë bjelloruse.
Nuk është e qartë si Putin iu përgjigj dhuratës së bërë nga aleati i tij Lukashenko. Megjithatë, është fakt që Presidenti rus, Vladimir Putin është parë shpesh në traktorë prej vitesh.
