Një gjykatë shqiptare urdhëroi të shtunën arrest shtëpie për ish-kryeministrin Sali Berisha, i cili drejton Partinë Demokratike të opozitës dhe po hetohet për korrupsion të mundshëm, raporton agjensia Associated Press.
Vendimi i dhënë sot nga GJKKO ndaj ish-Kryeministrit ka tërhequr vëmendjen e mediave ndërkombëtare.
AP shkruan se gjyqtarja e shkallës së parë të GJKKO-së, Irena Gjoka, pranoi kërkesën e prokurorëve për të vendosur në arrest shtëpie Berishën, 79 vjeç, pasi ai kishte shkelur masat e mëparshme shtrënguese të raportimit çdo dy javë. Atij iu ndalua edhe udhëtimi jashtë vendit.
Avokati i tij, Genc Gjokutaj, tha se gjykata gjithashtu e ndaloi Berishën të komunikonte me njerëz të tjerë përveç anëtarëve të familjes së tij që jetonin me të. Gjokutaj tha se do të apelojë vendimin e gjykatës.
“Asnjë kallëzim penal apo provë e re nuk e mbështeti këtë kërkesë të re”, tha Gjokutaj. Ndërsa, avokati tjetër i Berishës, Sokol Mengjesi shtoi se “asnjë nga kriteret ligjore të kërkuara për vendosjen apo përshkallëzimin e kufizimeve të tilla nuk është përmbushur në këtë rast.”
Mediat shqiptare raportuan mbërritjen e oficerëve të policisë në pallatin e Berishës në qendër të Tiranës. Nuk është e qartë se si oficerët planifikonin ta monitoronin atë.
Javën e kaluar, Parlamenti votoi për t’i hequr imunitetin ligjor Berishës. Ligjvënësit besnikë të Berishës u përpoqën të prishnin seancën dhe bojkotuan votimin.
Berisha e ka kritikuar hetimin ndaj tij dhe arrestimin e tij si represion politik të urdhëruar nga kryeministri Edi Rama dhe ka paralajmëruar “protesta të fuqishme”.
Privimi i Berishës nga komunikimi mund të bëhet një çështje më e gjerë politike sepse ai është kreu i partisë kryesore opozitare. “Partia Demokratike u bën thirrje të gjithë shqiptarëve dhe mbështetësve të saj që të vazhdojnë betejën tonë ‘sot ose kurrë’ për rivendosjen e pluralizmit politik”, tha Luciano Boci, një udhëheqës i lartë i partisë në një konferencë shtypi, pasi GJKKO lëshoi urdhrin.
Në tetor, prokurorët e vunë publikisht nën hetim Berishën për keqpërdorimin e postit të tij për të ndihmuar dhëndrin e tij, Jamarber Malltezi, të privatizonte tokën publike për të ndërtuar 17 pallate apartamentesh. Prokurorët nuk kanë ngritur ende akuza zyrtare në gjykatë dhe Berisha është ende teknikisht nën hetim.
“Kartolina e Ramës për Vitin e Ri është arrestimi dhe izolimi i kreut të opozitës!”, shkroi djali i Berishës, Shkëlzeni, në Facebook.
Rama nuk pranoi të komentonte vendimin e gjykatës që autorizonte arrestin shtëpiak të Berishës.
“Arrestimi i kujtdo nga cilado parti politike nuk është kurrë fitore e asnjë partie,” tha ai. “Partitë fitojnë zgjedhjet për të çuar vendin përpara dhe partitë nuk janë organizata ushtarake që veprojnë për të eliminuar kundërshtarët.”
Berisha shërbeu si kryeministër i Shqipërisë nga 2005-2013 dhe si president nga 1992-1997. Ai u rizgjodh deputet i Partisë Demokratike në zgjedhjet parlamentare të vitit 2021.
Qeveria e Shteteve të Bashkuara në maj 2021 dhe Mbretëria e Bashkuar në korrik 2022 ndaluan Berishën dhe anëtarët e ngushtë të familjes të hynin në vendet e tyre për shkak të përfshirjes së dyshuar në korrupsion.
Vetëm disa ditë përpara se Berisha të vihej në hetim nga SPAK, lidhur me procedurat e privatizimit të ish-kompleksit Partizani, ligjvënësit e opozitës kanë ndërprerë rregullisht seancat e parlamentit për të protestuar kundër refuzimit të socialistëve në pushtet për të krijuar komisione hetimore për rastet e dyshuara të korrupsionit që përfshijnë Ramën dhe zyrtarë të tjerë të lartë të qeverisë.
Socialistët thonë se planet nuk janë në përputhje me kërkesat kushtetuese.
Tensionet janë një pengesë për reformat shumë të nevojshme në një kohë kur Bashkimi Evropian ka rënë dakord të nisë procesin e harmonizimit të ligjeve shqiptare me ato të BE-së, si pjesë e rrugës së vendit ballkanik drejt anëtarësimit të plotë në bllok.
Një gjykatë shqiptare urdhëroi të shtunën arrest shtëpie për ish-kryeministrin Sali Berisha, i cili drejton Partinë Demokratike të opozitës dhe po hetohet për korrupsion të mundshëm, raporton agjensia Associated Press.
Vendimi i dhënë sot nga GJKKO ndaj ish-Kryeministrit ka tërhequr vëmendjen e mediave ndërkombëtare.
AP shkruan se gjyqtarja e shkallës së parë të GJKKO-së, Irena Gjoka, pranoi kërkesën e prokurorëve për të vendosur në arrest shtëpie Berishën, 79 vjeç, pasi ai kishte shkelur masat e mëparshme shtrënguese të raportimit çdo dy javë. Atij iu ndalua edhe udhëtimi jashtë vendit.
Avokati i tij, Genc Gjokutaj, tha se gjykata gjithashtu e ndaloi Berishën të komunikonte me njerëz të tjerë përveç anëtarëve të familjes së tij që jetonin me të. Gjokutaj tha se do të apelojë vendimin e gjykatës.
“Asnjë kallëzim penal apo provë e re nuk e mbështeti këtë kërkesë të re”, tha Gjokutaj. Ndërsa, avokati tjetër i Berishës, Sokol Mengjesi shtoi se “asnjë nga kriteret ligjore të kërkuara për vendosjen apo përshkallëzimin e kufizimeve të tilla nuk është përmbushur në këtë rast.”
Mediat shqiptare raportuan mbërritjen e oficerëve të policisë në pallatin e Berishës në qendër të Tiranës. Nuk është e qartë se si oficerët planifikonin ta monitoronin atë.
Javën e kaluar, Parlamenti votoi për t’i hequr imunitetin ligjor Berishës. Ligjvënësit besnikë të Berishës u përpoqën të prishnin seancën dhe bojkotuan votimin.
Berisha e ka kritikuar hetimin ndaj tij dhe arrestimin e tij si represion politik të urdhëruar nga kryeministri Edi Rama dhe ka paralajmëruar “protesta të fuqishme”.
Privimi i Berishës nga komunikimi mund të bëhet një çështje më e gjerë politike sepse ai është kreu i partisë kryesore opozitare. “Partia Demokratike u bën thirrje të gjithë shqiptarëve dhe mbështetësve të saj që të vazhdojnë betejën tonë ‘sot ose kurrë’ për rivendosjen e pluralizmit politik”, tha Luciano Boci, një udhëheqës i lartë i partisë në një konferencë shtypi, pasi GJKKO lëshoi urdhrin.
Në tetor, prokurorët e vunë publikisht nën hetim Berishën për keqpërdorimin e postit të tij për të ndihmuar dhëndrin e tij, Jamarber Malltezi, të privatizonte tokën publike për të ndërtuar 17 pallate apartamentesh. Prokurorët nuk kanë ngritur ende akuza zyrtare në gjykatë dhe Berisha është ende teknikisht nën hetim.
“Kartolina e Ramës për Vitin e Ri është arrestimi dhe izolimi i kreut të opozitës!”, shkroi djali i Berishës, Shkëlzeni, në Facebook.
Rama nuk pranoi të komentonte vendimin e gjykatës që autorizonte arrestin shtëpiak të Berishës.
“Arrestimi i kujtdo nga cilado parti politike nuk është kurrë fitore e asnjë partie,” tha ai. “Partitë fitojnë zgjedhjet për të çuar vendin përpara dhe partitë nuk janë organizata ushtarake që veprojnë për të eliminuar kundërshtarët.”
Berisha shërbeu si kryeministër i Shqipërisë nga 2005-2013 dhe si president nga 1992-1997. Ai u rizgjodh deputet i Partisë Demokratike në zgjedhjet parlamentare të vitit 2021.
Qeveria e Shteteve të Bashkuara në maj 2021 dhe Mbretëria e Bashkuar në korrik 2022 ndaluan Berishën dhe anëtarët e ngushtë të familjes të hynin në vendet e tyre për shkak të përfshirjes së dyshuar në korrupsion.
Vetëm disa ditë përpara se Berisha të vihej në hetim nga SPAK, lidhur me procedurat e privatizimit të ish-kompleksit Partizani, ligjvënësit e opozitës kanë ndërprerë rregullisht seancat e parlamentit për të protestuar kundër refuzimit të socialistëve në pushtet për të krijuar komisione hetimore për rastet e dyshuara të korrupsionit që përfshijnë Ramën dhe zyrtarë të tjerë të lartë të qeverisë.
Socialistët thonë se planet nuk janë në përputhje me kërkesat kushtetuese.
Tensionet janë një pengesë për reformat shumë të nevojshme në një kohë kur Bashkimi Evropian ka rënë dakord të nisë procesin e harmonizimit të ligjeve shqiptare me ato të BE-së, si pjesë e rrugës së vendit ballkanik drejt anëtarësimit të plotë në bllok.
