Policia ka publikuar pamjet nga arrestimi i anëtarëve të një grupi kriminal që merrej me tregti droge në Korçë. Në pamje shihen edhe sasia e parave të sekuestruara nga ana e efektivëve.
Sot policia lajmëroi se ka goditur një bandë të trafikut të lëndëve narkotike, duke sekuestruar drogë, por edhe afër 50 milionë lekë.
Njoftimi i policisë:
Ja pamjet e megaoperacionit të koduar “Knock Doën 2”, ku gjatë mbrëmjes së sotme u finalizua faza e dytë e këtij operacioni në Korçë.
Gjatë dy fazave të këtij megaoperacioni, u sekuestruan sasi të konsiderueshme kokaine, heroine e kanabis të ndara në doza gati për shitje, shuma të konsiderueshme në lekë, paund, euro dhe dollarë.
Në kuadër të të dy fazave të megaoperacionit, janë proceduar penalisht 197 persona, nga të cilët 54 janë arrestuar, 16 janë shpallur në kërkim dhe vijon hetimi për 127 persona të tjerë.
Megaoperacioni vijon.
