Ka than' i moçmi: 

“Gjysmë mjeku-vdes njerëzia, gjysmë idealisti-nuk bëhet Shqipëria”.

                                     -Fan Noli

Vashat nguten me u ba gra

Nga Media 0

Nga Arben Prendi

Taka të nalta,
të holla, thikë,
plagosin trotuarin,
kalimtarët kthejnë kryet me pa,
asgja, asgja, mos u ligshtoni.
Vashat nguten me u bâ gra!

Vashat nguten me u bâ gra,
kozmetikë, inxhina,
gjinj ftojakë kërcnueshëm nën bluza,
sjellje perfekte për robnuese zemrash,
të paprekshme prej lutjes…
E natyrshme apo e panatyrshme kjo ngutje?!
Hë, pra,
nuk e di pse,
vashat e vogla nguten me u bâ gra?!

Përqark bubullojnë hapat, parfumet dhe qeshjet e tyne,
hapa, parfume dhe qeshje tipike për gra,
kofshë poroze, trupa sfungjer, krahë si flugerë ernash,
që rrotullohen pa prâ.

Vashat nguten me u bâ gra!
Trillojnë rrena të vogla për bredhjet e tyne,
sepse i kanë braktisë para kohe lojnat e moshës,
përrallat e tregimet me kukulla mistrece,
mace bishtdredhme,
xixëlloja e Liza në botën e çudinave,
kunorat me lulet e vockla të qershive,
në një stinë që dy herë nuk përsëritet.

Kot nguten,
e pamëshirshme âsht koha.
Ah, sa kanë me u pendue!
Ah, sa kanë me u pendue!

https://www.kultplus.com/poezi/vashat-nguten-me-u-bo-gra/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej