Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

U paralizua në krye të detyrës, polici hero vazhdon punën vullnetarisht (film)

Nga Media 0

24 maji i vitit të largët 2004 ishte dita që i ndryshoi jetën përgjithmonë efektivit të Policisë Rrugore, Resmi Hasanpapaj. Ai nuk e dinte se atë mbrëmje, në krye të detyrës do të përballej me krimin. Pasojat ishin tejet të rënda.

Nga shkëmbimi i zjarrit me agresorët, gjatë ndalimit të një makine të vjedhur, Resmiu vet do të mbetej i paralizuar, ndërsa kolegu i tij në shërbim Allaman Dervishi, fatkeqësisht nuk iu mbijetoi dot plagëve të marra.

“Historia është shumë e rëndë, është shumë e vështirë të dalësh nga shtëpia dhe të kthehesh në gjendjen që u ktheva unë, apo edhe më keq kolegu im, që mbeti i vrarë në krye të detyrës. Por duhet parë përpara”, thotë Resmi Hasanpapaj.

Nga ngjarja e deri më sot kanë kaluar gati 15 vite.

“Përveç kufizimit të aftësive fizike, këto janë trauma që jo gjithkush mund t’i përballojë. Unë kam pasur mbështetjen e familjes, përkrahjen e të gjithë kolegëve, sidomos atyre të Policisë Rrugore”, rrëfen më tej Resmiu.

Pasioni për policinë ka bërë që Resmiu të mos e harrojë misionin, për të cilin dikur u betua. Sot, ai ndihmon vullnetarisht, çdo ditë e përreth 3 orë, kolegët e tij të Kartotekës në Policinë Rrugore të Tiranës.

“Të jem i sinqertë ndihem i integruar. Këtu në Komisariatin e Policisë Rrugore kam gjetur një ambient shumë të ngrohtë dhe dua të falënderoj të gjithë kolegët dhe drejtuesit. Ndihem mirë”, tha Hasanpapaj.

Policia e Shtetit numëron mbi 200 efektivë të rënë në krye të detyrës, ndërsa Resmi Hasanpapaj mund të cilësohet “dëshmori i gjallë” i uniformave blu.

http://top-channel.tv/2019/01/03/u-paralizua-ne-krye-te-detyres-polici-hero-vazhdon-punen-vullnetarisht/?fbclid=IwAR0lDUgjznrdY0rPG9nZ6nandbyA8gx2pfF7AszFy205NORdM_jDpDdbm9E

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej