Ka than' i moçmi: 

"Çlirim i një populli nuk do të thotë liri e tij duke skllavëruar një tjetër."

Faik Konica

Tiranë/ Arrest me burg për grabitësit e kasafortës

Nga Media 0

Gjykata e Tiranës ka dhënë masën e sigurisë “arrest me burg” për dy grabitësit e kasafortës së hotelit në Tiranë ku ndodheshin ora Rolex dhe bizhuteri të shtrenjta. Ata janë Eduard Ngota, 32 vjeç dhe Zenel Dama, 27 vjeç. Ndërkohë në kërkim është shpallur një grua, Raimonda Bruçi, e cila punonte si pastruese në hotelin ku u vodh kasaforta. Ajo është motra e Eduart Ngotës dhe dyshohet se ka kurdisur vjedhjen e kasafortës me sendet me vlerë që ishin brenda plus 9500 eurove.

OPERACIONI “ROLEXI”

Me një operacion të shpejtë, të koduar ‘Rolexi”, sektori i Krimeve të Rënda dhe Komisariatin Nr.4 Tiranë kanë arritur të zbulojnë autorët e një grabitjeje me vlera të mëdha. Bëhet fjalë për një kasafortë me ora luksoze dhe bizhuteri të shtrenjta, përveç vlerave monetare, rrëmbyer në një godinë në rrugën e Dibrës më 15 gusht 2017.

Të arrestuarit janë: Eduart Ngota, 32 vjeç, banues në Tiranë, i dënuar më parë dhe Zenel Dama, 27 vjeç banues në Tiranë. Krahas tyre është shpallur në kërkim bashkëpunëtorja R.B. 36 vjeçe

Arrestimi ndodhi pasi është arritur të dokumentohet me prova ligjore, autorësia e ngjarjes së ndodhur më datë 15.08.2017 , ku këta shtetas në bashkëpunim me njëri- tjetrin kanë vjedhur një kasafortë, në një ndërtesë në rrugën e “Dibrës”.

Janë sekuestruar sendet që ndodheshin në kasafortën e vjedhur:

9 500 (nëntë mijë e pesqind) euro

Një orë Roleks Day-Data me ngjyrë gri metalizato

Një orë Roleks Day-Data me ngjyrë floriri

Një orë Jaeger Lecoultre, me ngjyrë floriri

Tre byzylyk floriri. – Një varëse floriri

Një automjet i tipit “Fiat Punto”, i cili ka shërbyer për transportimin e kasafortës dhe largimin e autorëve nga vendi i ngjarjes.

Gjithashtu është shpallur në kërkim shtetasja R.B., 36 vjeçe, banuese në Tiranë. Materialet do t’i referohen Prokurorisë Pranë Gjykatës së Shkallës së Parë Tiranë, në ngarkim të shtetasve të lartëpërmendur, për veprën penale “Vjedhje e kryer në bashkëpunim”, parashikuar nga nenet 134/3 dhe 25 të Kodit Penal.

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej