Ka than' i moçmi: 

“Gjysmë mjeku-vdes njerëzia, gjysmë idealisti-nuk bëhet Shqipëria”.

                                     -Fan Noli

Shpëtim Idrizi dhe PDIU hala në sy të Greqisë

Nga 27.al 0

Nga Arben Llalla

Ka reaguar ashpër partia më e madhe opozitare e Greqisë Demokracia e Re-ND, me anë të Jorgos Kumuçakos për bashkëpunimin e Partisë Demokratike dhe PDIU, duke e quajtur një zhvillim i pakëndshëm.

Ky reagim i partisë greke tregon se Greqia po fut hundët thellë në punët e brendshme të Shqipërisë, gjë që është e ndaluar me Kushtetutën e Shqipërisë dhe me të drejtën ndërkombëtare. Reagimi i Demokracisë së Re vërteton edhe njëherë se PDIU e Shpëtim Idrizi janë halë në sy të Greqisë.

Kumuçakos me reagimin e tij mundohet të ngatërrojë edhe BE për bashkëpunimin e partive opozitare të Shqipërisë PD me PDIU-në duke e deklaruar: “Vendimi kërcënon, për shkak të një problemi inekzistent, të helmojë marrëdhëniet mes Greqisë dhe Europës”.

Tek e fundit Shqipëria nuk është ende pjesë e BE-së, dhe kështu nuk ka përse bashkëpunimi i partive të Shqipërisë të ketë ndonjë ndikim vendimtar në BE. Por, Shqipëria po përpiqet të hyjë në BE dhe Çështja Çame sipas komisionerit Hahn, jo vetëm ekziston, por duhet të zgjidhet në tryezën e bisedimeve mes dy vendeve.

Dalngadalë po e vërtetohet se izolimi i PDIU-së dhe lufta e paprinciptë e qeverisë për të djegur mandatin e Shpëtim Idrizit në Tiranë në zgjedhjet e 2017, është projekt i ideuar dhe i mbështetur fuqimisht nga Greqia, i zbatuar me zell nga vasalët e politikës shqiptare.

Edhe pse Greqia ka hedhur miliona euro në Shqipëri që mos të ekzistojë Çëshja Çame, të shpërbëhet PDIU, nuk ia ka arritur qëllimit deri më sot. Kjo falë këmbënguljes së vetë shqiptarëve nga Çamëria, të cilët janë të vendosur të mbështesin shoqatën Patriotike “Çamëria” dhe PDIU-në.

Është mirë që Shqipëria me anë të institucioneve të saj shtetërore të bëjë një reagim për futjen e hundëve në punët e brendshme të Shqipërisë nga përfaqësuesi i Demokracisë së Re Kumuçakos, por dhe ngjallakeqas të tjerë në spektrin atavist të politikës greke.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej