Ka than' i moçmi: 

"E çka duhet me ba ma tepër për me kenë shqiptar?!"

Dom Ndre Zadeja

Rama: Sot fitoi e gjithë Shqipëria, në 25 qershor do fitojë PS

Nga Klodiana 0

“Më 25 qershor do të fitojë Partia Socialiste, por sot ka fituar e gjithë Shqipëria, kanë fituar socialistët dhe demokratët dhe njerëzit e zakonshëm të të gjithë këtij vendi”.

Me këto fjalë Kryeministri Edi Rama e përshkroi arritjen e marrëveshjes me Lulzim Bashën për zgjedhjet parlamentare.

Pak orë pas marrëveshjes së arritur Rama foli në mitingun e hapjes së fushatës të socialistëve, i thërritur tek Piramida në Tiranë, pak metra larg çadrës së opozitës dhe para paktit të publikuar ditën e sotme.

Kryeministri tha se më shumë sesa për çeljen e fushatës, brohoritjet duhet të jenë për realizimin e atij që e quajti objektiv strategjik: vettingun.

“Jemi mbledhur këtu këtë ditë, por besoj se më bukur sesa në vend që të çelim sot fushatën elektorale, të brohorasim për realizimin e objektivit tonë strategjik për një Shqipëri me shtet, punë dhe mirëqënie, për vettingun që do të votohet para fillimit të fushatës elektorale.
Opozita do të ketë mundësinë që të shikojë nga brenda të gjithë procesin në këto 37 ditë dhe në fund do të jetë e detyruar që të pranojë rezultatin pa “sikur”, pa “por”, pa “këtej”, pa “andej”, tha Rama.

Gjithashtu, pas mbledhjes së Kryesisë së PS-së kryeministri Edi Rama ka folur menjëherë për marrëveshjen me Bashën.

Rama e përcolli këtë marrëveshje me një batutë: “E nisëm me një “McAllister plus dhe e mbaruam me një “Big Mac”.

Ndërkohë edhe Basha zhvilloi një mbledhje me grupin dhe me aleatët pas takimit me Ramën, për ti njohur me marrëveshjen.

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej