Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Qorrat e Edi Ramës

Nga Media 0

Nga Ilir Babaramo

Përpjekja për të kastruar lëvizjet studentore është një markë e njohur. Qorra të tillë politikë i kemi hasur dhe 28 vjet me parë. Janë vegla të regjimeve që po japin shpirt.

Lëvizjet e Ramës që përpiqet të sinkronizojë një grusht protestuesish me gjithë ekranet e blera prej tij ngjasojnë me veprimet e dëshpëruara të Ramiz Alisë.

Studentët i hoqën megafonin një pedagogu që perpiqej të tredhë lëvizjen studentore, një pedagogu që është shërbëtor i qeverisë, më shumë se sa ishte sekretari Rinisë Komuniste, Lisien Bashkurti 28 vjet më parë.

“Jo politikë, jo politikë!” çirren një grusht shërbëtorësh turmës me shpresen se do kompleksojnë lumin e protestës. Por, me çfarë mjetesh do t’i imponohen qeverisë nuk e thonë.

Tendenca përçarëse e tyre është e qartë. Strategjia e Ramës po shfaqet dita ditës.

Fillimisht, kërkoi një përfaqësi për të negociuar me synimin e qartë se do veprojë si tek Teatri, kur një grupi dërhemësh t’u vendosë nga një çmim personal dhe të sfumojë pjesën tjetër. Kjo nuk po i ecën me studentët. Atëherë, po përpiqet të minimizojë efektet e protestës.

Vë këta qorrat që të çirren: “Jo politikë!”. Në të njëjtën mënyrë veproi dhe Ramizi.

Fillimisht, nxori instruktorët e rinisë që thoshin: “Jemi për pluralizëm idesh, jo pluralizëm partiak!”. Nuk i eci. Në dhjetor studentët dolën në shesh. Sërish Ramizi me të vetët mes turmës predikonte krijimin e një shoqata studentore, jo krijimin e një partie opozitare. Sërish nuk i eci.

Studentët nuk kanë përse të kompleksohen nga politika. Në sistemin që jetojmë politika është i vetmi instrument për zgjidhjen e problemeve. Vetëm në monarkitë absolute të shekujve më parë subjektet dilnin për të kërkuar mëshirën e sovranit.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej