Ka than' i moçmi: 

“Gjysmë mjeku-vdes njerëzia, gjysmë idealisti-nuk bëhet Shqipëria”.

                                     -Fan Noli

Petulla të shpejta me kos, receta fantastike e shtëpisë

Nga Media 0

Nëse ka një kërkesë drejt nënave apo gjysheve për të gatuar diçka të mirë e të shijshme, padyshim në krye të listës së gatimeve shqiptare janë petullat.

Vështirë t’u rezistosh! Të ngrohta, me pak mjaltë, sheqer pluhur a kanellë, reçel apo djathë. Por edhe pa i shoqëruar fare, me asgjë, shija e tyre e plotë të përfshin tërësisht.

Fantastike për mëngjes dhe shoqëruese të këndshme për drekë, petullat mbeten një nga gatimet speciale jo vetëm për familjen  por edhe miqtë e të afërmit

Si recetë të ditës, AgroWeb.org ju sjell petullat me kos, më të thjeshtat për t’u përgatitur.

Përbërësit

1 vezë

2 filxhanë me kos

125 gr miell

Gjysëm luge çaji me sodë buke

kripë

vaj për skuqje

sheqer pluhur për spërkatje

Përgatitja

Në një tas të madh, rrihni vezën dhe kosin, më pas shtoni dhe pak kripë dhe sodën e bukës.

Pasi të keni situr miellin, hidheni dalëngadalë tek tasi, duke e përzjerë gjatë gjithë kohës me ndihmën e një teli kuzhine.

AgroWeb.org ju këshillon që masën ta përzjeni derisa të formohet një brum pak më i trashë se ai i palaçinkave.

Kujdesuni që të mos ju krijohen kokrriza të miellit, gjë që do t’iu ndikojë tek shija e petullave.

Në në tenxhere pak të thellë hidhni mjaftueshëm vaj për skuqje, dhe vendoseni në zjarr që të ngrohet.

Kini kujdes që vaji të jetë në temperaturën e duhur kur të hidhni brumin. Pasi nëse e shtoni kur vaji të jetë ende i ftohur brumi do të ngjitet në fund të tenxheres.

Me ndihmën e një luge merrni pak nga pak nga brumi i petullave dhe hidheni në vajin e ngrohur.

AgroWeb.org ju sugjeron që të kini kujdes që t’i skuqni nga të dyja anët njësoj.

Në një pjatë të cekët vendosni disa letra kuzhine kështu do të përthithin vajin e tepërt nga petullat.

Këto petulla serviren të ngrohta dhe me pak sheqer pluhur të spërtakur sipër, por nëse preferoni mund t’i shoqëroni me djathë, mjaltë apo reçel. /AgroWeb.org

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej