Ka than' i moçmi: 

"Dy bija të përmallshme, gurë të paçmuar, si hyj po ndritni ju, Kosovë e Çamëri."

- Asdreni

Matilda Makoçi rishfaqet tek Adi Krasta (film)

Nga Skenderi 0

Aktorja e mirënjohur Matilda Makoçi ka ridalë sërish në Top Channel, por kësaj here si mysafire e Adi Krastës në programin “E diell”. Ajo ka ndërhyrë në një konkurs poezie që moderatori i njohur organizon me të rinjtë e kryeqytetit.

I pyetur nga Krasta, Matilda Makoçi rrëfen se ka një marrëdhënie shumë të mirë me të birin, Gregun, i cili beson tek e ëma sekretet më të mëdha.

Po kështu me një sinqeritet të admirueshëm ajo tregon se kur ishte e re dikush i ka kushtuar një këngë me emrin e saj.

Në fund Matilda Makoçi rrëmbeu skenën me recitimin e poezisë “Të huaj jemi” të Ismaili Kadaresë, e shkruar në vitin e largët 1964.

Të huaj jemi

Të huaj jemi ne prej kohësh 
Ç’ish për t’u thënë është thënë. 
Si gurët që zënë vend në tokë 
Një jetë vend ne kemi zënë.

Drejt njëri-tjetrit kemi mbyllur 
Të gjitha rrugët edhe shtigjet 
Si dy qytete mesjetarë 
Me mure, heshta dhe me pirgje.

Por, natën, kur i lodhur truri 
Portat i mbyll me qetësi, 
Ti gjen një shteg dhe futesh brenda 

Një shteg që vetëm ti e di.

Futesh dhe si n’rrugica parqesh 
Shëtit mes
cirkonvolucionesh. 
Hyn nëpër ëndrra e shkujdesur, 
Fanitesh, qesh, ma bën me dorë.

Po kur mëngjesi zë ofrohet 
Nis shqetësohesh befas ti. 
Dhe heshturazi del përjashta 
Nga shtegu që veç ti e di.

E dita vjen. Rrjedh prap jeta 
Dhe ne të dy si dhe më parë 
Të ftohtë rrimë e të pamposhtur 
Si dy qytete mesjetarë.

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej