Ka than' i moçmi: 

Gjysma e punës është mbaruar kur ajo fillohet me dëshirë."

Naim Frashëri

Kthimi i Ditmirit si krushqit pa nuse

Nga 27.al 0

Nga Ilirjan Cukaj

Ansambli Ditmiri & Co u kthye nga Kreta pas një koncerti pa repertor, pa producent dhe pa moderator, pasi rolin dirizhues e bëri pala greke mjaft mirë.
Gëzim i madh në Greqi që asgjë nuk ndryshoi për ta, gjërat mbeten siç ishin.
U bënë ca biseda, u shkëmbyen ca probleme, u hodhën ca gjëra në letër, u ngarkuan komisionet reciproke që të vijohet puna në nivel ekspertësh dhe si përfundim përsëri në pikënisje.

Problemet riciklohen në intervale kohe që i dikton pala greke kur, ku duhet të bëhen për të mos u zgjidhur kurrë.
Një gjë është e dukshme se palës shqiptare ju bënë të gjitha nderet me shëtitje, gostira e me dhurata personale, por këto jashtë tavolinës se bisedimeve.
Një humbje e suksesshme për shqiptarët dhe kjo falë bujarisë, dhe “shkathtësisë diplomatike” të ministrit Bushati.
Të mos ju a hamë hakun, me humor ekipi foshnjor i Ditmirit ishte mjaft mirë, kjo nga aktrimi mjeshtëror i diplomacisë greke që “Kalin e drunjtë” e kanë në çdo tavolinë bisedimesh. Aty qëndron edhe forca e “diplomacisë” greke, tek dredhitë dhe manipulimet, të aftësia e tyre për ta servirur sapunin për djathë dhe meqenëse shqiptarët janë konsumatorë të mirë të djathit-sapun, edhe Ditmiri me shokë e hëngrën si në çdo rast tjetër dhe bashkë me të e hëngrën gjithë shqiptarët…
Takime të tilla me përmasa historike, humbasin rëndësinë dhe efektin përfitues për shqiptarët, pikërisht nga mos përfaqësimi i duhur. Shqiptarët vazhdojnë ta shkruajnë historinë dhe të ardhmen e tyre me vullnetin dhe diktatin e fqinjëve jo miqësorë.

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej