Ka than' i moçmi: 

Nuk mund të punojmë për vendin tonë, po nuk patëm një dashuri për çdo cep të Shqipërisë."

                                                                                                 - Mit'hat Frashëri

Kënga, vallja dhe gatimet tradicionale, pjesëmarrëse në panairin e trashëgimisë në Arabinë Saudite (video)

Nga Skenderi 0

Nga Julian Hoxhaj

Disa studenë shqiptar, kryesisht nga qyteti i Elbasanit por dhe i Beratit, që studiojnë në Arabinë Saudite, kanë marrë pjesë në një  panair kushtuar Trashëgimisë Kulturore, Fetare, Historike dhe Kulinarisë. Në panairin e organizuar nga Universitetit I Kasimit në Arabaninë Saudite, studentët shqiptarë, besimtarë dhe praktikantë të besimit myslimanë, kanë prezantuar Shqipërinë dhe Trashëgiminë Kulturore. Xhemis Stafa, një nga studentët pjesëmarrës në panair, tregon se në këtë evente janë prezantuar gatime tradicionale, veshjet popullore, foto dhe video per te prezantuar Shqipërinë Turistike. “Panairi ornganizohet nga Universiteti I Kasimit në Arabinë Saudite. Në të morën pjesë shumë shtete të botës. Panairi ishte kulturor, fetar, historik, gastronomia.Ai zgjati tre ditë. Shqipëria kishte stendën e vetë afër Kosovës. Ne paraqitëm foto turistike për të promovuar Shqipërinë. Ambasadës I pëlqeu pjesëmarrja jonë dhe e publikoi në tëitter dhe Ministria e Jashtme. Pati valle shqiptare, pati koreografi shqiptare” –tregon ndër të tjera Xhemi Stafa.

Promovimi historik i Shqipërisë

Në panair pati një kureshtje të madhe rreth figurave dhe historisë së Shqiperisë. Studentët shqiptarë u prezantuan me dy banera duke permendur disa personalitete të shquara të historisë shqiptare , sikur është Zognush (Zaganos) Pasha Vezir në kohën e sulltan Mehmet Fatihut, veziri tjeter shqiptar i perandorisë osmane  Ahmet Pashë Qypriliu prej Berati, arkitekti i mirënjohur Sadefqar Mehmed Pasha nga Elbasani që ka ndërtuar xhamine blu (sulltan Ahmet) në Stamboll,  admiralin e flotës detare osmane shqiptarin Hajrudin Pasha i quajtur ndryshe Barbarosa. Figuren e shquar politike dhe historike, Ismail Qemalin i cili për të mos e lënë Shqiperinë në dorën e copëtuesve formoi shtetit shqiptar mbas dobësimit të Perandorisë Osmane. Më pas shpjeguam dhe etimilogjite e emrit  Alban  nga fisi Ilir i albanëve dhe Arrnaut nga fjala osmane (Arre en neud) “shkon përpara dhe nuk kthehet mbrapsht”(nga lufta). Më pas pjesëmarresve ju bënë të njohura  disa prej abetareve shqipe me shkronja arabe si ajo e H. Hasan Tahsinit, në vitin 1811-1881. Në stende ishin vendosur dhe pjesët e shkëputura të Shqipërisë së dikurshme natyrale që sot gjendet jashtë kufijve të saj shtetërore.

Promovimi kulturor dhe  turistik

Të tilla panaire shërbejne për të promovuar vende të bukura natyrore dhe kulturore të Shqiperisë. Studentët shqiptare vendosën hartën e Shqipërisë në një baner, duke pasqyruar me foto nga secili qytet bukuritë natyrore. Po ashtu me anë të ekranit televiziv u vendosën pjesë filmike nga riviera e bukur shqiptare, malet e lartë, vendet turistike dhe piktoreske shqiptare. Një kolazh i mrekullueshem që u bë atraktiv për të intesuarit ishin kalatë e vjetra shqiptare, kalaja e Shkodrës, Krujës, Petrelës, Prezës, Ali Pashës, Beratit, amfiteatri i Butrintit, Apollonia etj që tërhoqën vëmëndjen e vizitorëve.

Studentet shqiptarë kishin veshur kostume popullore të zonave të ndryshme, po ashtu dhe fëmijve te tyre, kostume pjesë të folklorit të pasur shqiptar. Kjo e bëri me të veçantë paraqitjen në këtë panair. Disa veshje shqiptare u paraqiten dhe me foto nga koleskioni fotografik i Marubit.

Promovimi artistik

Në panair studentët e shteteve të ndryshme ju dha mundësia per te konkuruar dhe me shfaqe artistike dhe teatrale. Studentët shqiptarë performuan me sukses korografinë e valleve të shpatave për të dhene mesazhin e paqes në fund të saj. Vajzat e vogla shqiptare kënduan një ilahi (këngë islame), një grup studentësh kënduan në formë lirike, pa muzike “Cili je ti more burrë” dhe “Xhamadani vija-vija” (versioni lab), dhe “Shqipërinë e dua se unë jam shqiptar Kosoveë e dua se jam Kosovar” në një duet me studentet e Kosovës. Ato morën pjesë dhe ne lojra të ndryshme popullore.

Promovimi i kulinarise  shqiptare

Në panair u servirën edhe gatimet  e familjeve të studenteve si embëlsira dhe ushqime karekteristike shqiptare. Nga ëmbëlsirat bakllavaja, bollokumet, hasudja, jufkat, zupi, revania, kompekaja etj ndërsa ushqimet tipike tradicionale ishin tav kosi, tava balte Elbasani, byrek, fli-ja etj.

 

 

 

 

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej