Ka than' i moçmi: 

"Sod nuk don me dijt kush si je, po si dukesh e si paraqitesh."

- Anton Harapi

Juventus mposht Lazion, fiton Kupën e Italisë (film)

Nga Rexhina Biba 0

Juventus fitoi trofeun e parë të një sezoni të cilin shpreson se do ta kurorëzojë në mënyrë historike me një tripletë titujsh, që ka shanse të kompletohet brenda një muaji në Serie A dhe në Champions.

“Zonja e Vjetër” mundi 2-0 Lazion në Finalen e Kupës së Italisë, në një ndeshje ku goditi atëherë kur duhet dhe më pas administroi avantazhin pa rrezikuar thuajse asnjëherë.

Strakosha mbrojti portën e Lazio në këtë finale, e para për të, dhe dhuroi pritje fantastike sidomos në pjesën e parë, por nuk mund të bënte asgjë në dy golat e juventinëve.

Dani Alvesh i dha epërsinë torinezëve me një top që preku tokën para se të pushonte në rrjetën e Tomas Strakoshës. Portieri i Kombëtares shqiptare në një formë të mirë por me një mbrojtje inekzistente, vuajti golin e dytë me Leonardo Bonuccin që praktikisht vrau shpresat e Lazios për trofe.

Juventus ngriti me meritë kupën e tretë radhazi dhe tani pret titullin në Serie A që mund të vijë në fundjavë, si dhe finalen e Champions në 3 qershor me Realin.

 

 

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej