Ka than' i moçmi: 

"Shqipëria është një vend i bekuar me njëmijë bukurira, shkelur nga turma e cila ushqen njëfarë urrejtje ndaj bukurisë".

                                                                                       -Faik Konica

Idrizi- Presidentit grek: Rruga e integrimit të Shqipërisë nuk kalon nga Greqia

Nga Klodiana 0

Kreu i Partisë Drejtësi Integrim dhe Unitet, Shpëtim Idrizi ka reaguar lidhur me takimin e ministrit të Jashtëm Ditmir Bushati me homologun e tij grek Nikos Kotzias.

I ftuar në News 24, Idrizi shprehet se problemi i qëndrimit të tyre 3 ditë mbyllur në Kretë dhe mbyllur në Korçë, nuk ka asnjë lidhje me atë të pleqve çamë, të cilët duan të kthehen edhe një herë tjetër në shtëpitë e tyre.

Lidhur me deklaratat e Presidentit grek se shqiptarëve do i vështirësohen rrugët e integrimit, nëse nuk respektohen të drejtat e minoritetit grek në Shqipëri, Idrizi tha se rrugët e integrimit të Shqipërisë nuk kalojnë nga Greqia.

“Problemi i reciprocitetit kushtetues për të zgjidhur Çështjen e shqiptarëve të Çamërisë, është e drejta e pronës, e drejta e varrezave. Po pse kaq problem qenka sa të qëndrojnë 3 ditë mbyllur në Kretë dhe mbyllur në Korçë, një herë me serenatën korçare dhe njëherë me vallen e Kretës, për mos i lejuar edhe një herë tjetër pleqtë tanë nga 80 – 90 vjeç që presin e s’kanë asnjë lloj lidhje me këtë histori, që të shohin edhe një herë tjetër shtëpitë e tyre?

Kam dëgjuar gjithë ato herë Presidentin e Greqisë që flet për respektimin e të drejtave të minoritetit grek në Shqipëri dhe thotë: Nëse nuk i respektoni të drejtat e tyre rruga drejt integrimit të vendit do të vështirsohet.

Rrugët e integrimit të Shqipërisë nuk kalon nga Greqia. Ne e kemi përcaktuar se rruga jonë kalon nga Perëndimi. Athina është në lindje, rruga jonë është Roma, Berlini dhe SHBA-ja”, tha Idrizi.

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej