Ka than' i moçmi: 

"Shqiptarët tregojnë çka s'duhet, e fshehin atë çka e di e tërë bota."

- At Gjergj Fishta   

Himara/ Ministria e Jashtme thërret për sqarime ambasadoren greke

Nga Ejona 1

1

Sipas zëdhënësit për shtyp të Ministrisë së Punëve të Jashtme, ambasadorja e Greqisë në Tiranë, Eleni Sourani është thirrur për të kërkuar sqarime në lidhje me qëndrimin e Athinës zyrtare për prishjen e disa ndërtimeve në Bashkinë e Himarës.

Ministria e Jashtme e Shqipërisë e cilëson absurd qëndrimin grek për këtë çështje.

Më poshtë qëndrimi i zëdhënësit të shtypit të MPJ:

Në vijim të interesimit të medias mbi deklaratën e fundit të MPJ greke për Himarën, zëdhënësi i Ministrisë së Punëve të Jashtme, Glevin Dervishi sqaron:

Është rasti të themi se habia pason habinë, kur bëhet fjalë për qëndrimet e MPJ greke. Tonet kërcënuese të deklaratës dhe njohja e cekët e situatës dhe rrethanave, nuk mund të mirëkuptohen në Europën e sotme, përveçse si një mesazh i destinuar për konsum të brendshëm.

Shqipëria nuk bën dallime në respektimin e parimeve të shtetit të së drejtës.

Procedurat ligjore të ndjekura nga Bashkia Himarë, të cilat kanë në fokus shndërrimin e qytetit të Himarës në një destinacion turistik europian, janë transparente dhe në përputhje me legjislacionin në fuqi.

Deklaratat e përsëritura të MPJ greke dhe gjuha anakronike për Himarën janë të papranueshme dhe në kundërshtim me parimet themelore të shtetit të së drejtës. Parime, të cilat orientojnë veprimtarinë e institucioneve të shtetit shqiptar.

Bazuar në sa më siper e në pajtim me praktikat diplomatike, Ministria e Punëve të Jashtme ka thirrur për sqarime Ambasadoren e Greqisë në Tiranë duke shprehur qëndrimin e mësipërm.

Komente (1)

  1. Le te rin mir himarjotet se do heqin picir te zez mos te mdihen bastarllet mos se do tu ……… Ropt

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>