Ka than' i moçmi: 

"Shqiptarët tregojnë çka s'duhet, e fshehin atë çka e di e tërë bota."

- At Gjergj Fishta   

Flamurtari i halleve, Vllaznia e stabilizon në fund

Nga 27-shi 0

Flamurtari është braktisur nga të gjithë dhe nga gjithçka. Asnjë lek në llogaritë e futbollistëve, veçse premtime që askush nuk i mban, ndërsa në fushën e lojës e ka harruar edhe fati. Vlonjatët u mundën nga Vllaznia në shtëpi (0-1), në kuadër të javës së 12-të të kampionatit, në një ndeshje ku padyshim meritonin më shumë. Në pjesën e parë kanë dominuar totalisht, aq sa u krijua përshtypja, se goli ishte vetëm çështje minutash, por në të 37’, në sulmin  e parë drejt portës së Halilajt, i cili deri në atë kohë kishte statusin e një spektatori, si të gjithë të tjerët që gjendeshin në stadium, pas një harkimi nga e majta, Cicmil harrohet nga mbrojtja vendase dhe shënon. Edhe trajneri Cungu mezi e besoi atë që pa dhe si pasojë as që doli nga pankina e tij për të festuar.

Në pjesën e dytë një Vllazni disi më e qartë në atë çfarë duhet të bënte, ndërsa Flamurtari sërish i krijoi rastet e veta, por topi asnjëhetrë nuk hyri në portën e Agoviç. Fillimisht Shehaj, më pas Shkodra, i cili gjeti vetëm shtyllën e majtë të portjerit malazez të Vllaznisë dhe në fund Galiç. Vlonjatët mbeten me shtatë pikë dhe lufta për mbijetesë duket se do të jetë e mundimshme.

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>