Ka than' i moçmi: 

Nuk mund të punojmë për vendin tonë, po nuk patëm një dashuri për çdo cep të Shqipërisë."

                                                                                                 - Mit'hat Frashëri

Derbi i flakadanëve… për gola duhet pritur

Nga 27-shi 0

Nuk ka fitues në derbin Partizani – Tirana, ndërkohë që ishte një ndeshje e këndëshme dhe e mbuluar nga një dekor spektakolar të tifozëve që mbetën entuziastë deri në fund të 90 minutëshit. Në pjesën e parë, të dy skuadrat kërkojnë të surprizojnë njëra tjetrën, Partizani me Torasën, Vilën dhe Ekuban, të mbështetur nga Batha e Trashi, por edhe kundërpërgjigjet në portën e Hoxhës nuk kanë munguar. Afrikanët Edek, Merville dhe Moses kombinojnë mirë me njëri tjetrin, madje shfrytëzojnë edhe shpejtësinë e tyre që ndonjëherë bën edhe diferencën. Ndërsa në pjesën e dytë është skuadra e kuqe që dominon, madje është edhe e pafat, pasi dy goditje të Torasës dhe Bathës janë përplasur në shtyllat e portës së Likës. Ndërsa në minutat e fundit janë edhe dy raste të shkëlqyera në secilën portë, fillimisht me Bardhin që tenton me finte, kur mund të ishte treguar edhe më i thjeshtë dhe në krahun tjetër Edek, i vetëm përballë portës kundërshtare hipnotizohet nga Hoxha. Përfundimisht, në pesë takimet e javës së katërt është shënuar vetëm një gol në Korçë, ndërsa katër ndeshjet e tjera kanë përfunduar 0-0.

 

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej