Ka than' i moçmi: 

Njeriu i lig i ngjan thesit të qymyrit: jashtë i zi, brenda akoma më i zi”.

                          -Sami Frashëri

Demokratët: Hetimi për ndërhyrjen ruse, në rrezik!

Nga Klodiana 0

“Hetimi amerikan për ndërhyrjen e supozuar ruse, gjatë zgjedhjeve të vitit 2016, mund të rrezikohet seriozisht pas largimit të prokurorit të Përgjithshëm, Jeff Sessions”, thonë demokratët më në zë në Shtetet e Bashkuara.

Nancy Pelosi, udhëheqësja e shumicës demokrate në Dhomën e Përfaqësuesve, e quajti vendimin një “përpjekje të hapur” për t’i dhënë fund hetimit, ose për ta penguar atë.

Hetimin në fjalë, pasardhësi i Sessions, Matthew Whitaker e ka kritikuar, ndaj është e qartë se çfarë qëndrimi do të synojë të mbajë ai.

Demokratët, që fituan shumicën e Dhomës së Përfaqësuesve në zgjedhjet e mesmandatit, zotohen t’i dalin në krah nismës së udhëhequr nga prokurori i posaçëm, Robert Mueller.

Trump nuk e ka pranuar asnjëherë një bashkëpunim me Rusinë, e në mënyrë të përsëritur ka kërkuar që hetimi të mbyllet, duke e cilësuar si “gjuetinë më të madhe politike të shtrigave në histori”.

Sessions dha dorëheqjen një ditë më parë, por kjo lëvizje nuk ishte e papritur, sepse prokurori i Përgjithshëm ka qenë nën presionin e shefit të Shtëpisë së Bardhë për t’u larguar, që kur zgjodhi të tërhiqej pikërisht nga hetimi i fokusuar te ndërhyrja e shumëpërfolur e Moskës në presidencialet e vitit 2016.

Verifikimet e Muellerit kanë nxjerrë në pah deri tani, shkelje nga disa prej bashkëpunëtorëve të afërt të presidentit.

 

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej