Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

BE do të heqë ndryshimin e orës. Votohet që ora mos të ndryshojë duke nisur nga viti…

Nga Media 0

BE-ja hodhi një tjetër hap drejt heqjes së ndryshimit të orës në pranverë dhe vjeshtë.

Një komision i Parlamentit Europian votoi të hënën me 23 vota pro dhe 11 kundër për heqjen e këtij ndryshimi në vitin 2021. Vendimi ndërkohë se cila orë do të mbahet, ajo dimërore apo ajo verore është shtyrë për më vonë. Si komisioni i BE-së, ashtu edhe Parlamenti Europian mendojnë se koha për këtë lëvizje të akrepave ka kaluar, por për të ndryshuar ritualin nevojitet aprovimi i të 28 shteteve anëtare të bllokut dhe ai mungon.

Njoftimi i Presidenti të Komisionit të BE, Jean Claude Juncker, i bërë në muajin shtator se ndryshimi i orës do të hiqet shumë shpejt, dëshmoi se ishte i parakohshëm. Ky ishte rezultati që doli nga sondazhet e bëra me qytetarët e BE, por anketimet nuk ishin përfaqësuese sepse 3 milionë nga 4,6 milionët që votuan ishin nga Gjermania.

Diplomatët e Bashkimit Europian nga vendet e tjera më të vogla u ankuan se Komisioni i BE kërkon që të detyrojë shtetet të plotësojnë dëshirën gjermane. Anëtarët e bllokut duan t’i japin kohë vetes; ndër to, më këmbëngulëset për ruajtjen e rregullave të vjetra janë Britania e Madhe, Greqia dhe Portugalia, ndërsa Qipro, Holanda, Danimarka, Franca dhe Irlanda nuk kanë marrë ende vendim./T.CH

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej