Ka than' i moçmi: 

"Më lehtë është me mbledhë një thes pleshta, se ti bashkosh dy shqiptarë."

- At Gjergj Fishta

7 shenja që paralajmërojnë për probleme me zemrën

Nga Skenderi 0

Shenjat për atak në zemër, ose çdo problem tjetër me këtë organ, shpesh janë “tinëzare” ose të pakuptueshme. Ato godasin atëherë kur nuk e pret, dhe këtu nuk përjashtohen as gratë e reja.

Sipas të statistikave më të fundit nga Qendra për Kontrollin dhe Parandalimin e Sëmundjeve, sëmundjet e zemrës janë ndër shkaktarët kryesorë të vdekjeve tek femrat mbi 35 vjeç, me një raport 1 në 4 vdekje, shkruan “shëndeti”.

Ndodh shpesh që simptomat e sëmundjeve të zemrës të mos vihen re ose të anashkalohen, sidomos nëse jeni të reja.

Ja cilat janë disa nga simptomat që paralajmërojnë për probleme në zemër:

Këmbë dhe gjunjë të ënjtura
Ënjtjet në këmbë mund të shfaqen për një sërë arsyesh, dhe këtu nuk përjashtohet as një problem me valvulën e zemrës.

Formimi i lëngjeve (ngjashëm me edemën) është një simptomë e zakonshme e një problemi në zemër, kur ajo nuk mund të pompojë mjaftueshëm gjak.

Para se të frikësoheni, duhet të dini që kjo lloj ënjtje, ndryshe nga fryrjet e zakonshme, fillon të përkeqësohet me kalimin e kohës ose të përhapet në trup.

Prandaj, nëse arrini në këtë pikë, e dini që duhet të konsultoheni me mjekun.

Dhimbje koke
Para se të pini një ilaç për lehtësimin e dhimbjeve të kokës, duhet të dini që ato mund të jenë shenjë paralajmëruese e goditjes në tru ose mpiksjes së gjakut gjithashtu.

Vetëm dhimbja e kokës nuk është domosdoshmërisht tregues i problemeve me zemrën, por nëse e përjetoni atë së bashku me simptoma të tjera, si lodhje, marramendje, të fikët, ose fillon krejt papritur, mund të paralajmërojë për një problem më serioz.

Lodhje
Kjo mund të jetë shenja më e vështirë për t’u deshifruar sepse janë një milion arsye përse mund të ndiheni të lodhur – mungesa e gjumit, stresi etj.

Po këtu po flasim për një nivel jo normal të lodhjes.

Nëse ndieni një farë dobësie, që e keni ndier më parë vetëm kur keni qenë të sëmurë me grip, zemra mund ta ketë të vështirë në oksigjenimin e trupit.

Dhimbje në stomak
Shumë njerëz mendojnë se problemet me zemër ndihen direkt në gjoks, ose në krahun e majtë. Në fakt, ajo që shumë nuk e dinë është se, dhimbja mund të përhapet kudo në trup.

Kur ndieni dhimbje therëse në stomak, ekziston mundësia që të keni probleme me zemrën. Edhe pse dhimbja në stomak mund të jetë edhe shenjë e ndonjë gripi ose urthi, ekspertët rekomandojnë që mos ta neglizhoni, por të konsultoheni me një mjek për t’u siguruar se nga çfarë vuani.

Dobësi, të fikët
Dobësia vjen si pasojë e rënies së tensionit të gjakut. Por, mund të jetë edhe shenjë e një problemi më serioz. Një çrregullim i valvulës që nuk lejon rrjedhjen si duhet të gjakut, rrahje të ngadalta ose shumë të shpejta të zemrës, ose një çarje e aortës, të gjitha këto mund të jenë shkaktarë të dobësisë dhe të rënies të fikët.

Marramendje
Ashtu si shumica e këtyre simptomave, edhe marrja e mendve me raste nuk është shkak për t’u shqetësuar. Kjo ndjesi mund të vijë si rezultat i dehidratimit, lodhjes, ngritja shpejtë etj. Por, nëse marramendja vazhdon, duhet të konsultoheni me një mjek. Nëse problemi është në zemër, mund të ndodh për shkak të bllokimit të një arterie.

Tension në pjesën e sipërme të shpinës
Ataku në zemër nuk ndihet gjithmonë në këtë organ. Shpesh pacientët thonë se ndiejnë sikur kanë një elefant sipër kraharorit. Ka raste kur e njëjta ndjesi është edhe në pjesën e sipërme të shpinës. Nëse ndjeni sikur dikush po ushtron forcë shumë të madhe në shpinën tuaj, kjo mund të jetë shenjë e atakut në zemër.

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

gjithsej